Seminar mbi Mekanizimin e Referimit të Çështjeve në Ndërmjetësim, Elbasan, 29 Qershor 2022

Përfaqësues nga prokuroria, policia, shërbimi i provës dhe ndërmjetës ndoqën seminarin mbi Mekanizimin e Referimit të Çështjeve në Ndërmjetësim. Pjesëmarrësit u përfshinë në disktutime aktive për llojet e rasteve që mund të trajtohen me ndërmjetësim, rolin e secilit institucion në referimin dhe mundësitë e rritjes së bashkëpunimit me shërbimin e nërmjetësimit për një përdorim më të gjerë të ndërmjetësimit.

Seminari u organizua në bashkëpunim me Degën Vendore të Ndërmjetësimit Elbasan, si pjesë e projektit “Zgjerimi dhe Fuqizimi i Sistemit të Ndërmjetësimit në Shqipëri” që zbatohet nga CSSP - Qendra për Ndërmjetësimin e Integruar në Berlin, në partneritet me Dhomën Kombëtare të Ndërmjetësve dhe Fondacionin “Zgjidhja e Konflikteve dhe Pajtimi i Mosmarrëveshjeve”, me mbështetjen financiare të Agjencisë Austriake për Zhvillim.

Ndërmjetësimi zgjedhje e parë!